高海寧、馬國明、郭柏妍、黃智賢、陳曉華等今日出席劇集《夫妻的博弈》宣傳，高Ling表示劇集於內地播放時，反應不錯令她有信心，「內地播時反應唔錯，因為劇情吸引，大家睇時都好投入，覺得我演嘅為角色好慘，之後反轉人生又睇得好爽，加上劇中飾演小三嘅郭柏妍又因為太可愛，觀眾又嬲佢唔落，其實拍完之後可以學識一個女仔點去辨別渣男，我好彩未遇過渣男，但我拍完之後先知，渣男對每位女仔都好好，永遠媽寶，尊重媽咪係好，但恰女朋友就唔好，咩事都靠女朋友就唔好，做晒所有唔好嘅事。」
目前感情歸零令她自誇女朋友及老婆條件兼備，「我好適合做女朋友及老婆，由女朋友過渡到老婆，我自己覺得係咁，所有人生經驗都喺劇經歷晒，我都有叫馬國明介紹男朋友，但我係要求高，因為要陪自己一世，最重要係咪遇到，因為嚟緊要開工三個月，不在香港，好難去維繫，未必識到人，總之唔想兩頭唔到岸，遇到都想好似胡定欣咁，好快結婚。不過工作都係機會好難遇到，所以目前需要好好珍惜，既然上天俾工作機會俾你，暫時感情先收一收。」
馬國明表示身邊男性朋友均已婚，需再為對方物色，「真係唔好嘅都唔敢介紹，一定要精心挑選，因為佢唔需要特別有錢或靚仔，以佢既嘅質素又唔可以亂介紹，無理由屈就自己，至少人品要有愛心。」
昨日傳出TVB金牌監制梁材遠離世消息，馬國明表示有合作過，更大讚對方，「有合作過但唔多，佢好錫演員，從來都無鬧過演員，所以好值得尊敬嘅前輩，因為無前輩又點會有我地，值得尊敬，所以好可惜。」
