張天穎（Jaime）自2024年起，在社交平台上分享一系列名為《本故事不純屬虛構》（BASED ON TRUE STORIES）的短影片，內容是問路人、朋友拎「幾粒音」及當中想表達的故事，再由她以「幾粒音」創作出多首不同風格的歌曲，經過一年時間的努力，Jaime不單憑「幾粒音」鞏固其唱作歌手的形象，更將它們結集成個人首張專輯，以及首個個人演唱會亦將於生日當天（8月22日）舉行。
今日（22日）演唱會的優先訂票於半日售罄，對Jaime來說是一件很不可思議的事，Jaime承諾會出200分的努力去答謝支持她的人，而明日（23日），演唱會門票亦將公開發售。
今次演唱會將於新蒲崗PORTAL舉行，當日更是Jaime的正日生日，實行跟粉絲一齊慶祝！提到首次solo開show，Jaime坦言心情緊張又興奮，「好期待，今次《本故事純屬虛構》嘅「幾粒音」作品終於集齊一套啦，所以同名專輯配合埋演唱會，喺我生日同日面世，亦都非常興奮可以現場唱俾大家聽！」最初在網上唱cover，之後由YouTube熒幕轉跳去IG街訪，再殺入演唱會舞台，Jaime指這是跟觀眾一齊成長的moment，所以這個演唱會絕對是別具意義。
Jaime全新廣東歌《講給我聽聽》日前已經上架，歌曲是《本故事不純屬虛構》系列的其中一集，Jaime說：「佢係第14集延伸出嚟，變咗成一首完整嘅歌，係講返細個同朋友仔之間嘅友誼，就好似以前一定有啲朋友仔係好親密，幾乎日日都見，會一齊去釘耳窿、一齊嗌、一齊喊，會一杯珍珠奶茶兩份飲，但係會唔知由幾時開始，大家會冇咗溝通，唔再互相講心事，慢慢疏遠……」
回憶自己的少女時代，Jaime將它放了在新歌上，「我喺度諗，唔識用文字或者面對面講嘅時候，如果有一首歌，當大家嬲咗對方，聽到呢首歌後，可以send俾對方聽，聽完對方唔再嬲嘅話，都幾好吖！」因為有這個想法，所以Jaime便寫了一首關於友誼、和好如初的《講給我聽聽》。
至於MV部分，Jaime很開心請到童童@小薯茄演出，拍攝當日天氣時晴時雨，不過並無阻拍攝的進度及心情，因為拍攝隊伍與Jaime都很隨心，順應天色拍攝，最緊要是拍出來的效果，滿滿少女時代與朋友仔間的真摯情誼，Jaime與童童完全掌握到當中的感覺。
