汪明荃（阿姐）上周與阮浩棕出發到摩洛哥為旅遊節目《帶阿姐看世界》的第三站進行拍攝，連日來阿姐都有在社交網開心分享，大會今日亦發布官方照，行程豐富，二人先後到訪舍夫沙萬的藍色城市、摩洛哥第二大城市非斯、撒哈拉沙漠等標誌性地方，體驗了在沙漠中騎駱駝、食早餐睇日出，以及穿上民族服飾在色彩繽紛的屋宇前打咭留念等。
根據資料，摩洛哥近日氣溫一直持續在30多度，加上烈日當空，阿姐除了長期戴住黑超防曬，亦keep住拎住風扇仔降溫。每次均會悉心打扮看世界的阿姐，今次行程繼續大曬各式各樣襯到絕的靚衫。在旅程中少女心大爆發的阿姐盡顯熱情本色，除了與幕後工作人員打成一片（其中一張照片，阿姐細心為幕後女同事按摩），先後與阮浩棕及當地導遊手牽手，其中阮浩棕拖住阿姐走上斜路的背影照極盡溫馨。
阮浩棕整個旅程對阿姐照顧周到，不但為阿姐充當攝影師，又主動為阿姐按摩！阿姐接受訪時亦當面大讚阮浩棕勤力：「你關於摩洛哥嘅資料搜集咗好多，唔使即場去記啲資料，變相講出嚟會好自然。」原來為了拍好這個節目，阮浩棕出發前做了大量摩洛哥的資量搜集，就連阿姐的資料，他也不放過，並笑言習慣將所有看過的資料抄下來方便記憶。阿姐聞言笑言：「我啲資料咁多，你睇唔睇得晒架？嗱！我真係旨意晒你架，我咩都冇睇過，我希望你俾驚喜我吖嘛。」
愛放送驚喜的阿姐，訪問期間突然踢爆阮浩棕腳毛數量多得驚人：「佢啲腳毛好犀利，好Man咁咯，同佢個樣唔係幾襯。」之後再搞笑追問阮浩棕：「你胸毛有冇㗎？」令出名怕醜的阮浩棕一度語塞、不知所措。阮浩棕受訪時則指與阿姐合作後，覺得自己「愈嚟愈鍾意阿姐」：「以前覺得阿姐好嚴肅（姐：我哋都冇相處過）我喺側邊睇住你，會好驚嘅，但其實阿姐好可愛，佢會同我哋講笑啦、同我哋玩啦，好真性情。」
