黃庭鋒昨晚（13日）在《巨塔之后》播出的第11集首度登場，飾演年輕肝臟外科明日之星，獲網民大讚入型入格兼有顏值。在圈中是知名學霸的庭鋒，原來修讀體育系碩士前，曾修讀了為期九個月的中文大學醫學院公共衛生學系Master。
庭鋒接受官方訪問時透露：「當時我覺得既然咁難得可以讀Master，就想試吓有冇其他出路，然後我就去咗中大醫學院嘅公共衛生學系面試。當時其實我係Full Time喺國際學校教緊體育、Part Time做體育主持，再額外抽時間讀呢個Master。但好記得當年呢科第一個Test已經肥佬咗，跟住我就發覺，喺咁唔夠時間嘅情況下，都係讀番一啲自己最拿手嘅嘢好啲，所以最後就揀返體育學科讀。」
庭鋒又笑言自己向來是醫療劇忠粉，故對於能夠首演醫生大感興奮：「我一直都好期待做醫生角色， 之前睇《On Call 36小時》同《星空下的仁醫》已經好想做醫生，加上我鍾意睇醫療劇，所以今次都可以話圓夢。」
除了讀書了得，庭鋒的「運動健將」身份亦為人熟悉，庭鋒於英國寄宿學校唸高中期間，曾是學校足球隊唯一亞洲球員，並主力踢前鋒；另他亦曾參與不少學界和區際足球賽，並在阿根廷、智利校際賽中獲得「最有價值球員獎」、文武雙全。
