MIRROR成員呂爵安（Edan）昨日（18日）以代言人身份出席品牌活動，透露今次為品牌拍攝短片，首次以機師造型登場，大玩「肌」字食相。不過全場焦點落在他早前與妹妹「小如豬」呂蕙如，兄妹檔拍攝《左手拖右手》MV的造型上，他戴上假髮、穿着校裙反串演出，與妹妹上演「爭仔」故事，吸引不少話題性。
自認女裝好醜：驚大家頂唔順去通訊局投訴
Edan笑言反串構思由自己提出：「妹妹想我喺MV多啲參與，我忽發其想不如反串，反正大家覺得兩兄妹似樣，好適合首歌。」被問到下次可會扮醜女，他即反問：「我以為今次已經好醜！扮女人唔可以太多，睇playback都驚會唔會太勁，大家頂唔順，去通訊局投訴。」他透露公司給予很大創作空間，笑言：「公司冇符」。談到隊友邱傲然（Tiger）與妹妹Kelly曾同台演出，Edan表示不抗拒四人合作：「大家嘅妹妹都比較叻，任何合作都可以試。」
張繼聰叫Bro感不好意思，撐對方爭金像影帝
張繼聰早前在社交平台大讚Edan是「好猛嘅朋友」，Edan解釋二人因合作電影《盜月者》到日本拍攝而熟落：「佢係我心目中嘅大前輩，大家以『Bro』相稱，我自己反而有啲唔好意思。」張繼聰於今屆金像獎角逐「最佳男主角」，Edan雖然未有份出席頒獎禮，但會看電視直播支持。
撐好友蔡俊彥追夢：Hater幾時都有
提到好友劍擊好手蔡俊彥推出新歌，Edan大方為對方宣傳，支持他為興趣而唱歌，開心見他嘗試不同事物，但笑言：「唔使擔心，未來佢都會繼續打劍為主。」對於蔡俊彥被Hater攻擊，Edan表示：「Hater幾時都有，佢咁惹火，不過唔使理咁多。」
讚林明禎MV好靚，未敢坐姜濤車
談到緋聞女友林明禎預告推出新歌《十點後熄電話》，邀得型男王陽明擔任MV男主角，二人更有大膽親熱戲。Edan未有呷醋，大方讚賞：「拍得好靚。（會唔會幫手宣傳？）身邊朋友都會支持。」
至於隊友姜濤早前因「不小心駕駛」被判罰款，Edan透露自己比姜濤早一年考獲駕駛執照，大家會互相分享新手駕駛遇到的困難。被問到誰的駕駛技術較好，Edan笑說：「如果以意外嚟評論，我未試過，但絕對需要時間訓練，小心啲囉！」至於被問到可有膽量成為姜濤的乘客時，他直言：「應該唔係好敢坐住。」
