呂頌賢去年因肺部細菌感染擴散至多個器官，一度昏迷留醫深切治療部，搶救14天後才康復出院，體重暴瘦約40磅，他表示現正努力恢復中，已接近十成，體重亦開始恢復。嘉年大讚：「仲靚仔過以前，感覺好似人哋生小朋友咁，REBOOT一次。」
之前接受嘉年主持《橫素全中國》節目大談素食經，呂頌賢分享卅年素食之道：「我點解食素？無咩原因喎。（唔覺得好Dry 咩？）一啲都唔Dry，大家唔好誤解吃齋就係青菜豆腐，無乜味，其實唔係㗎，大家可以去見識吓，十年前已經有新式素食，各種花款，調味都無問題嘅。」他又謂與太太都愛出街食，試不同花款的素食。
呂頌賢和嘉年不單同為素食愛好者，更是鄰居，喜歡一起開電單車慢遊，「依家唔會追求快感，唔會風馳電掣，係風和日麗。」他又謂以前可能會追求車款，如今就覺得有合適就足夠，安全至上。
