昨日（18日），電影《寒戰1994》舉行宣傳活動，主演吳慷仁、謝君豪、廖子妤及陳家樂齊齊現身，大爆幕後辛酸與趣事。作為《寒戰》系列前傳，今次聚焦潘氏豪門恩怨，謝君豪飾演首富大家長，與吳慷仁上演父子情仇；廖子妤與謝君豪為兄妹，陳家樂則以「外姓人」身份入贅，與廖子妤飾演夫妻。
謝君豪30巴真摑吳慷仁：我右手好痛
戲中最狠一幕，莫過於謝君豪連環掌摑吳慷仁。謝君豪笑言：「劇本寫明要摑佢6巴，但第一take打咗6巴，導演叫嚟多次又6巴，轉機位、近鏡各6巴，總共打咗30幾巴！我右手好痛，佢塊面更加痛，打完紅咗兼少少腫。」他透露全劇組一致贊成真打，「因為第一下唔可以手軟，咁佢就即入戲。」吳慷仁苦笑表示收工後要立即敷冰袋，更要休息三日才消腫：「第一下感受到佢心痛，第二巴就換我痛。」首次全程講廣東話對白的吳慷仁，坦言拍攝份外緊張，但形容《寒戰1994》是「一套好勁嘅電影」，能加入這個系列感覺大好。謝君豪則幽默表示：「我細細個就睇《寒戰》第一集同續集，大個咗可以加入呢個大家庭，好榮幸。」
陳家樂被困洗衣機，雨中談情巧遇結婚紀念日
陳家樂在片中飾演入贅女婿，因身份懸殊渴望證明實力，卻慘遭綁架，大量戲份被綑綁蒙眼。最難忘一幕是被困於一個廢棄的大型工業洗衣機滾筒內，他分享道：「個滾筒大到可以載100人，入面有陣味同污跡，一關門伸手不見五指，好彩證明我冇幽閉恐懼症。」他與廖子妤繼《像我這樣的愛情》後再度合體，首次飾演夫妻。陳家樂透露拍攝一場浪漫雨中談情戲當天，原來正是他與太太連詩雅的結婚周年紀念日，但當天全日時間卻獻給了戲中太太廖子妤。
廖子妤演靚女壓力大，想挑戰動作戲
廖子妤獲導演梁樂民欽點飾演「又靚又叻」的角色，她直言擔心：「我比較擅長演蠢、衝動、神經質嘅角色，今次要演大家族入面綁手綁腳嘅繼女，心理好複雜，比《毒舌大狀》更難揣摩。」她慶幸能與吳慷仁、謝君豪有大量對手戲，笑言今次是求仁得仁。對於未能像好友王丹妮那樣挑戰動作槍戰，她坦言羨慕：「有機會都想試下。」
金像獎前夕互撐，廖子妤求衣着獎
第44屆香港電影金像獎今晚舉行，同獲提名的陳家樂與廖子妤對彼此充滿信心。廖子妤直言愈來愈緊張，除了獎項，更希望奪得「最佳衣着獎」，更會傳短訊給擔任評審的好友王丹妮「拉票」。陳家樂則尚未撰寫得獎感言，未感受到緊張，太太連詩雅將陪同出席。至於吳慷仁參演的內地劇《危險關係》收視未如預期，他明言未有關注，作為演員只求盡力達到劇組要求。
更多現場照片：
