由周國豐、支嚳儀、黃劍文、顏米羔擔任主持的無綫清談+音樂節目《今晚有歌廳》，今晚（27日）播出一集嘉賓是《中年好聲音》的龍婷及《中年2》的陳俞霏，主題為「陳慧嫻生日特輯」。為配合主題，三位主持及嘉賓輪流獻唱／合唱陳慧嫻經典金曲，包括《逝去的諾言》、《飄雪》及《紅茶館》等。
作為《中年2》評審之一的陳慧嫻，獲主持周國豐形容她為「幾可愛的歌手」，周國豐還分享了一個和陳慧嫻之間的有趣小故事，他笑言陳慧嫻擔任《中年2》評審前，竟以「暗語」聯絡周國豐，令周國豐一度誤以為收到詐騙Message：「因為佢好耐冇同我溝通，唔知個電話號碼係咪我，於是WhatsApp嗰段內容就寫：『你係咪豐豐啊？我係胃癌姐姐呀。』跟住我喺度諗係咪詐騙message呢，咩『胃癌姐姐』呀？」周國豐當時反問對方是否陳慧嫻，還扮女聲模仿陳慧嫻回覆：「我驚呢個電話唔係你吖嘛！」
龍婷曾分享了十六歲時，因一次實習機會前往廣東，在公園裏偶然聽到陳慧嫻的《飄雪》，令她點燃了愛唱歌的心，「當時我心諗：『邊個唱㗎？咩歌嚟㗎？點解咁好聽嘅？』」龍婷後來得知是陳慧嫻的歌曲時，便開始學習對方的歌，「佢令到我本來明明係跳舞嘅，但後尾點都想要去唱歌。」
至於陳俞霏，則分享了「逃婚男友」的故事。俞霏透露在結婚前幾天，男友突然消失，令她極度傷心，「求婚係佢求，我唔係好明，隔咗兩個禮拜佢自己去咗我做嘢嘅城市同我道歉，佢話佢去算塔羅牌，算到唔好嘅嘢，咁所以佢就要走。」
