ViuTV節目《調教你MIRROR》今晚（11日）播出第5集，下半集講述鏡粉到梅窩「私追」事件。節目中見有大批粉絲湧至梅窩，12子在步行往食肆途中，有不少粉絲沿路追隨，導師梁祖堯指粉絲避無可避，但阻礙了拍攝進度，原本計劃好的環節亦要告吹，「我覺得好可惜，因為我哋設計咗一啲Item，例如喺街寫生或者去睇牛之類，我哋知道已經冇可能做到。」他表示MIRROR在粉絲包圍下，各成員未能自如傾談，「呢個節目每一刻講嘅所有嘢，都有一個鏡頭影住，記錄晒佢。原本想喺街做正常拍攝，諗都唔好諗！喺街度行吓、傾偈，係做唔到，冇辦法真正傾偈，佢哋有咩私隱可以講？淨係可以返去綜藝mode！」
MIRROR成員坦言粉絲私追對他們造成困擾，也指花姐不希望他們勸走粉絲，要由經理人代為出面，Lokman則表示遇到相同情況，隊員其實可以主動呼籲粉絲合作，因為他們開口作勸喻，總比經理人出面奏效；Edan就覺得開口尷尬，Lokman續說：「我覺得唔係尷尬，而家係工作，『你影響到我，點解唔晏啲先講？』」
至於Anson Lo提到被團員懷疑洩露行蹤引鏡粉私追，「我唔係怕私追或者影相同簽名，我係怕身邊啲人點諗，怕你哋會點諗，會唔會覺得係我叫佢哋嚟，因為近兩年我哋都有好多洩漏消息嘅事，好多聲音嘅矛頭都係指向我，但我真的沒做過。」
圖片來源：ViuTV
