梁靖琪（Toby）於《蝕日風暴》中演一位脫離毒販集團的「娃娃兵」，為求生活，會接受各種「任務」換取金錢，雖然今次Toby與監製梁家樹「父女檔」參與網劇製作，但身為監製的梁家樹竟然「落場無父女」，拍攝時未有錫住女兒，Toby於劇中連場打戲，又慘遭活埋，吃盡苦頭。
回憶當時拍攝情況，Toby直言環境非常惡劣，加上天氣不好，令她更加緊張，她表示︰「我記得當日天氣好差，泥又濕，真係好驚！因為心理上感到有好多蟲在泥裏鑽來鑽去，拍了兩天，重複要跌落一個窿後再被活埋，拍攝後我連內褲也濕透。」回想被沙泥埋住的一刻，Toby表示︰「好像經歷生死一樣！原來被活埋真係好驚，因為我連頭也要埋在泥土當中，嗰刻睇唔到嘢，又好難唞氣！真係好恐怖！」
完成拍攝後，Toby因滿臉泥濘不能抹眼，「拍完起身時，要幾個工作人員拖我上去，因為不可以即時抹眼，要先用水清洗。拍攝後回家沖身，不過洗了三次頭仍然有沙，耳仔即使每日清潔，也足足一星期仍有沙在耳內。」
圖片來源：黃viu煲劇平台