《刑偵12》昨晚（11日）播出的一集，劇情講述刑凱（張振朗飾）透過芷菲（傅嘉莉飾）的催眠，憶起自己曾遭受校園欺凌，並親眼目睹愛犬遭同學拋入河中慘遭溺死，刑凱的暗黑人格因而誕生……。刑凱的第三暗黑人格由黎澤恩（Ronny）飾演，他與振朗「神同步」說話一幕，不論表情、動作、對白都百分百配合，備受讚賞。
Ronny受訪時表示他與振朗是去到現場，才知要以「神同步」方法拍攝，而當日更是他與振朗首度合作的第一場戲，Ronny：「當時係有啲突然，雖然大家都背咗嗰四、五句對白，但未必跟足劇本講，同埋會有語氣同節奏嘅分別，咁短時間內要有默契，仲要手勢同表情都要配合，係有難度嘅。我記得當時練咗5至10分鐘左右，大家Keep住不斷溝通，都順利三、四個take左右就完成。可能我玩音樂，對拍子有少少敏感，所以都好彩跟到振朗個感覺。」Ronny又大讚振朗好人兼好傾：「佢係令你好舒服、唔會覺得有壓力嘅人，第一次見佢已覺得係朋友咁。」
Ronny續指沒有當暗黑人格是「人」的狀態去演繹：「呢個角色同以往嘅奸角演繹上係有分別，因為喺我角度，佢並不是一個人，而係一個精神狀態；我亦覺得佢同林昱水有分別，我都想做出嚟唔相似。因為我唔當佢係人咁演，所以我會演得好誇，例如𠵱起棚牙、講嘢好沉咁。（化紅眼妝係咪你構思？）當然係劇組嘅功勞，我只係提議佢化得再紅啲，因為想表達戾氣重啲嘅感覺。同埋因為覺得加黑眼圈再暗黑啲，所以我基本完全唔需要化妝。」
更多圖輯：
