而佘詩曼更說自己從小到大都是發哥小粉絲，今次同發哥食開年飯好開心，她說：「作為小粉絲嘅我，雖然未有機會合作，但係合影都勁浪漫，超溫馨！」然後她又分享了她和發哥相遇的小故事，「記得第一次喺舊清水灣片廠嘅飯堂，食食吓飯突然間見到發哥行入嚟，我興奮到成個人彈咗起身，又怕羞喎，但係又忍唔住細細聲叫咗一聲：『發哥呀！』又記得有一次，接到藝員部高層個電話，叫我第二日去訓練班上堂，我仲拗晒頭話：『吓，上堂？我要開工喎！』我仲記得佢話：『去啦，夾晒你啲時間㗎喇。』我心諗…無啦啦上乜鬼堂呀…攰到死…第二日死死地氣，因為未上過訓練班，仲行錯晒路。入到課室，梗係全部人都唔識啦，勁尷尬，求其搵咗個位坐低。張凳都未坐暖，我又『彈』喇！因為原來嗰堂係發哥親自教學！Ben Chan知道我偶像係發哥，所以專登叫埋我去聽嘅～（明醒我🤭）嗰陣大概係2000年，我好記得，發哥話知道我係邊個，因為佢睇咗《十月初五的月光》，嗰刻雖然我外表表現得好平靜（話晒喺好多訓練班同學仔面前），但係其實我內心已經放晒煙花 💥💥」
