陳俞霏、曹越與劉曉昆推出首支合唱國語單曲《午夜Ring Ring》，霏霏包辦作曲、填詞、編曲及監製，越越亦有參與作詞，以愛情詐騙為主題，道盡都巿女性覺醒、自強迎擊騙子的「華麗逆襲」。三人以多個造型拍攝MV，演出同時墮入感情騙局的劇情。
合作的契機始於她們的經理人，自從她們開了群組討論主題後，很快便傾個不停，身為製作人的陳俞霏說：「最初我係按70、80年代流行歌嘅風格做咗個基本編曲，跟住越越send咗啲英文歌同李玟前輩嘅幾首歌，我就加咗呢啲元素落去，到我寫詞時越越喺群組度講咗句『Hey！要說Bye Bye』，之後昆昆放咗啲詐騙案件嘅資料出嚟，我就加晒落首歌度，跟住我哋即興接住加旋律落去，大家傾到凌晨1點幾先停。」
《午夜Ring Ring》以愛情詐騙做主題，原來跟陳俞霏和劉曉昆的親身經歷這些關係，雖然霏霏「中招」的電話騙局而不是愛情騙局，但最終也被騙20萬之多，「佢哋扮係內地嘅政府部門，知道晒我嘅個人資料，同埋佢哋嘅手段係好懂得人性，知道點樣拿捏一個人嘅弱點，我就將呢件事延伸寫晒落首歌度，呢個社會問題好嚴重，點解咁多人被呃，因為好多人內心係缺乏愛無安全感，喺社會被認同度唔夠高，當有人放佢哋喺主角位置時，好多人會幻想同憧憬，呢個就係呢首歌嘅延伸點。」
劉曉昆亦差點墮入感情騙局，幸好後來夠機警才能避免受騙，「啱啱玩IG時，試過差啲畀人呃錢，突然有人私訊我，睇到佢post嘅狀態係個靚仔嚟，我覺得幾好，因為嗰時未咁流行詐騙，加咗對方嘅WhatsApp，佢就開始了解我嘅經濟狀況，發現我狀況唔差，佢就開始叫我投資，畀咗條link我，但係聽多咗佢錄音講嘢，佢啲口音就覺得唔似張相嗰個人，就覺得係假於是就封鎖咗佢，好彩自己都有啲分辨能力，之後我有朋友都有類似狀況，所以大家唔好戀愛腦，都要小心啲！」
雖然曹越未試過受騙，但她認為女性就算感情上有不好經歷，或者愛情多甜蜜都好，都要有個清醒頭腦，「而家女性都可以好主動，好自強同獨立，社會嘅道德同睇法，好多時畀咗好多束縛大家，呢個主題就係希望女性要強大自己，增加自己嘅價值，努力做最好嘅自己，將注意力、期望、期待擺喺自己身上，而唔係另外一半上面，總之講到錢就好傷感情。」
更多圖輯：
