TVB娛樂訪談節目《一周星星》今晚（6日）邀得圈中模範夫妻錢嘉樂與湯盈盈擔任嘉賓，接受主持王鎮泉訪問，二人從相識、拍拖到結婚生女的甜蜜點滴一一細數，場面溫馨又笑料百出。
談及對彼此的第一印象，錢嘉樂坦言最初覺得湯盈盈像「ABC」，給人「很愛玩」的感覺，但隨着往來增多，他漸漸改觀：「發覺呢個女仔都幾傳統，煮嘢幾好食，仲喺佢身上學識關心屋企人，佢每日都打電話去加拿大問候父母，仲會話『你都打去問吓屋企人點啦』。」正是這份孝順與貼地，令他徹底改觀。至於湯盈盈何時開始留意對方，她簡潔直認：「佢追我嘅時候。」
節目設有「獨家考古」環節，重溫二人在綜藝節目及劇集中的多個經典片段，包括《超級無敵之旅》（1996年）、《騙中傳奇》（1999年）及《封神榜》（2001年）等。其中錢嘉樂當年的白色泳褲造型成爲全場焦點，他自爆：「我記得條白色泳褲係張耀揚帶我去買嘅。《獎門人》時期我好鍾意着呢條白色泳褲，直到有一次綵排前落水，獎門人（曾志偉）一句『使唔使咁搏呀？』我一睇原來白色好易現形，自此就冇再着過。」他又即席爆出定情金句：「《封神榜》好睇之處，劇入面我收咗佢，現實中佢收咗我。」湯盈盈亦透露當年二人一同赴佛山拍攝的難忘往事，印證何爲「緣分」。
談到拍劇涉及親熱場面，夫妻二人各自表明不會看對方某一部作品，盈盈更即場用雙手遮眼拒絕觀看，又阻止嘉樂看，笑言：「我最唔鍾意睇呢部劇」、「我覺得佢對我唔住咁」，畫面搞笑。
節目最精彩的「你問我答」環節，邀得「七魔女」好姊妹佘詩曼、周家蔚、梁靖琪、姚樂怡，以及洪天明、林曉峰等隔空爆料。姚樂怡大爆湯盈盈獨特「馭夫術」：「佢為咗嘉樂去學煲湯、學西餐。嘉樂朝頭早好鍾意行山，盈盈明明前一晚好夜瞓，都扮到好精神好享受咁陪佢行山，有愛先做到。」梁靖琪笑指：「你實在太愛你老公，見到佢背脊都話好型。」佘詩曼則指盈盈爲人母後轉變甚大，更霸氣向嘉樂喊話：「總之我叫你買咩送畀佢，你聽我講就得。」當問到嘉樂最有義氣的一件事，林曉峰笑言：「佢娶咗湯盈盈囉！」引來全場爆笑。
此外，「影壇大哥」洪金寶亦隔空現身，談及錢嘉樂與「洪家班」的淵源，大哥大罕有開金口激讚：「佢係我班底入面一個高手」、「佢係叻仔」、「好有本事」、「你所諗到想要嘅動作佢全部做到。」對嘉樂的動作指導能力給予極高評價。
