由「金牌媒人」林盛斌（Bob）主持的TVB戀愛真人騷《女神配對計劃2》，昨晚（6日）首播，第一集內容主要是播出「求愛勇者」的海選環節，星級花生團名單包括主持林盛斌、江美儀、林秀怡，以及去年的女神梁敏巧及關嘉敏。播出後，即有「求愛勇者」成功彈出，現年26歲的冷氣技工，中葡芬混血兒方智弘（Oscar），俊朗外貌及身形健碩，在各大社交平台洗版，更湧現「壞冷氣效應」，網上出現「屋企突然要洗冷氣揮手區」，網民紛紛留言要求Oscar上門整冷氣。
昨晚TVB社交網推出Oscar的面試精華片段後，未夠半日（截至今早9時）tvbvariety IG已吸獲超過50萬views，逾1.5萬likes、2.1萬轉發，相關FB View數亦直逼20萬。但有網民發現Oscar之前曾參加過《全民造星V》（2022年），然後與同屆參賽者賀邦於2024年組成「OneUp」出道，並推出首支派台歌《Ten Outta Ten》，當時Oscar自爆初戀亦曾好像歌曲故事般，不顧一切地愛對方：「故事好切合我嘅初戀，對女方可以話係一見鍾情，無論對方做咩，自己都會義無反顧地去愛。」說到心目中的Dream Girl，Oscar笑指雲浩影令他心動，大讚她歌聲悅耳，加上可愛笑容，令他驚嘆！「OneUp」曾奪得「叱咤樂壇生力軍組合歌手」銅獎。
亦因為Oscar的歌手身份，惹來造馬疑雲，對此，林盛斌在社交平台發文澄清：
「大家噚晚有冇睇？覺得今次啲參加者水準如何？好多人問我佢係咪真係整冷氣，我好認真答你：『係，原則上佢嘅正職係整冷氣，兼職先係做歌手！』佢同另外一個朋友，係一隊二人男子組合，其實而家呢個娛樂圈，無論係做演員定歌手，好多都要做幾份工作，努力去維持生計，先可以繼續去追夢，因為唔係個個都係最紅嗰啲，所以我真係完全唔覺得有啲咩問題，亦都唔係乜嘢做媒，佢真係自己上網報名參加。最後我想多謝所有海選面試嘅求愛勇者們，你哋每一位，喺我心目中，都係非常勇敢嘅！大家可以認識吓佢，佢叫Oscar，真係幾靚仔嘅。」
更多圖輯：
部分圖片來源：方智弘@instagram
