草蜢在馬來西亞舉行兩場《GRASSHOPPER THREE IN LOVE CONCERT 草蜢演唱會2026》演唱會，草蜢以《A.E.I.O.U》、《紅唇的吻》、《又愛又恨》等經典快歌揭開序幕，前奏一響，逾萬名樂迷即時起立，隨着節拍揮動螢光棒並大合唱。談及當地樂迷的熱情，草蜢完騷後受訪時仍難掩興奮。蔡一智表示：「非常開心，我以為新加坡站嘅觀眾勁，原來馬來西亞嘅觀眾都唔弱。」蔡一傑感動說：「今晚嘅觀眾真係Very Good，冇得頂！如果佢哋冇畀到呢啲力量我哋，我哋都冇咁興奮！」
阿智更特別提到現場化身大型舞池的震撼場面：「呢個場館好大，坐咗成萬幾人，我哋加咗好多Mirror Ball，頭先真係好似一個大型派對。馬來西亞嘅Clubbing都好勁，頭先好似一萬人喺度Clubbing，個感覺好正。」他還溫馨提示入場的樂迷記得穿運動鞋：「我哋啲樂迷愈來愈醒目，睇草蜢個個都著波鞋。」
演唱會尾聲，樂迷依然不肯離場，大嗌Encore，為了不讓大家失望，草蜢兩度Encore加碼送上經典名曲《世界會變得很美》及《永遠愛著您》。阿智感激道：「噚晚已經好勁，啲觀眾已經唔走，我哋要出返去清唱咗兩首歌；今日仲勁，我哋仲加碼添。」
除了樂迷的熱情令草蜢大受感動外，主辦單位亦為三子及團隊準備了極具當地特色的驚喜——「榴槤車」，讓台前幕後在開騷前免費「任食放題」品嘗極品榴槤。順利完騷後，他們笑言終於可以大開食戒，蘇志威更急不及待狂食榴槤。
完成馬來西亞站後，草蜢隨即宣布《THREE IN LOVE》巡迴演唱會將於10月移師澳門舉行，更透露澳門站將採用極為罕見且震撼的「四面台」設計。蘇老闆表示：「除咗香港嘅紅館外，我哋嘅巡迴演唱會多數係三面台，澳門開四面台係好難得。」
更多圖輯：
