焦仔早前在社交網發片，就相隔3年重拾主持身份，笑言希望有一日可以踢走大王。昨日他把AI片段給大王看，大王亦有問他：「你想踢我走吖嘛！」焦仔即溫柔摸大王後腦枕說：「梗係唔會啦！」但大王表示：「你唔使錫我吖！」焦仔再謂這只不過是AI片，認為應該來個真錫並隨即有所行動，嚇得大王大嗌救命。
焦仔自2017年起參與《都市閒情》節目，就與大王合作，並曾多次公開表示，大王是他最尊重的前輩。2022年無綫台慶當晚，焦仔是其中一位參與向前輩致敬的「一封信」環節，他當場讀出對大王的感謝信及送花，令大王感動流淚。
2023年，焦仔離開節目轉到戲劇組發展，焦仔在社交網曬出多張與大王的合照，包括這張二人在牀上相擁的照片，並留言：「有日開廠，大王早過我收工。我：唔好咁快走啦，我唔捨得你呀；大王：你走我更加唔捨得！唔經唔覺原來已經一齊拍咗咁多集……次次同佢講係佢身上學到好多嘢。佢就話：啱啦，記得學點樣瀨嘢！佢成日笑笑口，毫無架子，好嘈，但大王係我認識最專業嘅主持。係我最尊重嘅前輩！我會記得你教過嘅每一樣嘢㗎」！
34歲的焦仔畢業於英屬哥倫比亞大學，2013年考入TVB藝訓班而入行，告別《開心速遞》後坦言也擔心有中年危機，其實數年前他已開始做健身教練，同時等待更多演出機會。
