黃嘉雯今日（4日）出席「慧妍雅集44週年慈善籌款晚會2026」記者會，她表示近一年主要主持飲食節目，令她更懂得品嘗美食，「我做咗成年幾啦，除咗主持節目《美食新聞報導》外，自己網上都開咗頻道，搵啲我自己私藏餐廳介紹美食，我經常北上搵食，𠵱家我食嘢變得比以前專注，同埋對我煮嘢食都會有幫助，可能以前唔識煮嘢食啦，𠵱家每星期都拍兩日飲食節目，都試過一日要食四間餐廳。」
不知是否食得多，她經常胃痛，為求安全準備做全身檢查，「我覺得係會搞到個胃差咗，因為不斷食，成日都會唔舒服囉，人哋減肥就斷食，我就不斷食嘢，所以今年要好好咁睇住自己個胃，因為胃痛試過幾次，上年十二月仲入過醫院，因為腸胃炎，好彩打完針就即日可以出院，而家間中都覺得個胃好脹，媽咪都好擔心，所以我應承咗佢，今年一定要做身體檢查，自己都擔心㗎，但係又好驚喎，如果check到有咩咁點算？可能𠵱家會就住食囉。」
