王君馨（Grace）今日（29日）在社交網分享全家福，宣布女兒Audrey Chang已出世。照片中Grace挨住老公Daniel抱着B女幸福甜笑，她留言：「成個過程太奇妙了，一直以為自己會係嗰種事業型女士，一定開刀，一定揀日子，一定餵奶粉，但呢九個月入邊，同佢培養嘅感情，BB好似同我講『媽媽你得㗎』，讓我變得勇敢，讓我做多了research，讓我想喺我嘅能力範圍將最好的都給她。」她多謝醫生給她信心，讓她在最後的4個月改變了選擇，最後真的可以成功，自然生了他們的寶貝女兒。
Grace留言續謂：「她很特別的，一定要過咗12am，讓自己的生日黐住爸爸的生日，俾個kiss kiss Daddy，唔知以後係咪真係『Daddy’s girl』。謝謝老公一路的陪伴，每一刻都做我最大的啦啦隊，雖然有時好嘈，我要叫佢俾我安靜一下，You’re gonna be the best Daddy！」
Grace感謝醫護及清潔姐姐的陪伴及照顧，醫院亦有為Daniel慶生送上生日蛋糕，連同5月5生日的Grace，他們一家三口都是5月之星。
