「香港青年時裝設計家創作表演賽2026」昨日（5日）圓滿舉行，今屆打破傳統天橋框架，融入汽車元素，更邀得岑珈其、張紋嘉、岑樂怡及梁雍婷攜手演出一場充滿溫度的故事騷，柯煒林與Lolly Talk成員鄭芷淇（Elka）專程到場支持，大會司儀則由丁子朗以流利雙語擔綱，炒熱全場氣氛。
岑珈其首次踏足天橋，事前特地請教專業模特兒行騷秘訣，「我問佢使唔使好似Jeffrey咁擺啲型仔甫士，佢話自然就得，所以我陣間可能會以行街嘅感覺出場。」談到活動結合汽車元素，他笑言被勾起購物慾，「真係有啲心郁郁，或者可以傾吓用宣傳換折扣。」他透露兒子已經開學，「仔仔好心急想返學，不過K3要開始報小學，真係幾頭痛，太太比我更緊張，完全體會到大家揀學校嘅煩惱！」
Lolly Talk成員Elka以貼身低腰裝亮相，為襯衫全日只敢食一份沙律，「之前身體唔舒服差啲暈低，最近已經盡量食多啲嘢，但呢件衫腰位太低，搞到全日淨係食咗一份沙律！」她自爆未有車牌，笑言為公眾安全未必會去考，更霸氣宣言：「如果要有人接送，我寧願調轉角色做『霸道女總裁』車人哋！」剛推出新歌的她透露老闆未給予壓力，但對年底頒獎禮有期望。
梁雍婷與張紋嘉近日頻頻孖住現身，當日更合體行騷，默契十足。梁雍婷自嘲憑其身高能擔任模特兒實屬罕見，笑言走「歡樂」路線殺出血路，更大爆張紋嘉是其「兒時偶像」，令對方哭笑不得。張紋嘉則笑稱早已習慣：「頭先喺後台見到好多新晉演藝朋友，我以為佢哋係新人，點知人哋可能已經入行好多年。其實近年好多幕前幕後都話細個聽我唱歌大，能夠陪伴大家成長都係一種榮幸。」談及電影《廚師發辦》因場次少惹熱議，二人坦言非演員能控制，但透露近一週票房走勢凌厲，盼能再創佳績。
即將擔任金馬獎司儀的柯煒林專程到場挑選「戰衣」，笑言會按當日心情配搭：「其實非常興奮，因為唔可以同自己講緊張，否則就會真係好緊張！」他坦言最期待香港團隊上台獲獎：「如果真係發生，我可能會衝上台用廣東話恭喜佢哋！」
