由王祖藍擔任主持的綜藝節目《有個閨密叫祖藍》，昨晚第二集請來胡杏兒擔任嘉賓。
節目中杏兒在製作組安排下與「偶像」曾比特（Mike）於卡拉ok大玩「閨密不息」、在「祖藍廚房」中大展廚藝。杏兒除了以對戰形式與Mike合唱《現代愛情故事》，還額外獻唱了《千言萬語》，她更笑指大仔曾聽到落淚：「我老公好鍾意呢首歌，大仔一歲時我唱過呢首歌俾佢聽，我唱到佢流淚，好似好感動咁，唔知係咪我唱得難聽呢？哈哈！」
祖藍與杏兒認識多年，他對杏兒讚不絕口，直指杏兒性格像牛一樣：「佢好勤力、好顧家、好錫老公、好錫小朋友。佢都話辛苦，就真係好辛苦㗎喇。」祖藍又大爆私下與杏兒私交甚篤：「真係要多謝你，每次娘家搵你，你都好幫手。」
唱完歌後，杏兒與祖藍轉戰廚房陣地，杏兒煮碗仔翅，祖藍主攻咖哩魚蛋，祖藍對杏兒手勢大讚，杏兒笑言有想過退休後賣碗仔翅，祖藍聽後即舉腳贊成。
