MC張天賦昨晚（8日）踏入第三場紅館演出，曾與他合唱過的姚焯菲驚喜現身，合唱四年前的作品《誰能避開戀愛這事情》。MC透露兩人第一次見面也是在紅館，當時他正在開騷，身處後台房間內玩手機，突然有人進來通報：「MC呀，Chantel想入嚟影相呀！」他立即扔開手機，隨手在枱面拎起一本書，然後若無其事地說：「影相？可以呀！」極速由「機不離手」秒變「文青看書」，場面惹笑。
Chantel笑說：「我唔係好記得呢一幕，但係我仲有keep住張相㗎！」隨後她大讚MC的《世一》是她最喜歡的廣東歌之一，MC聞言即反問：「唔係《記憶棉》咩？」Chantel立即澄清：「唔係呀，係《世一》呀！」MC繼續追擊：「你唔鍾意《記憶棉》呀？」Chantel補飛：「都鍾意都鍾意，但係《世一》係好聽啲！」隨即轉向觀眾問：「大家覺得係咪呢？」全場歌迷即時尖叫和應，氣氛熱烈。
當MC回到後台換衫時，Chantel在獻唱《原來談戀愛是這麼一回事》之前，分享感受，這是她第一次踏足紅館的四面台、第一次做演唱會嘉賓、亦是她與MC第一次現場演繹《誰能避開戀愛這事情》，但在她講話期間，有一名男觀眾在席上大聲叫囂，不斷說出侮辱性字眼，有觀眾把片段上載到社交媒體，網民紛紛留言指責他「零尊重」、「低俗無品」、「可以唔喜歡，但不應口出惡言」、「MC搵咩嘉賓到你話事？」、「唔鍾意你咪走囉」、「你咁做影衰MC」等等。
更多圖輯：
