歌手郭嘉駿（193）今日出席《MOOV 20 Music Station》現場音樂企劃，與一眾「老婆」（粉絲）近距離見面，活動未開始已有數百Fans圍觀，場面非常墟冚！上集嘉賓Mike曾比特問及193的真實身高，所以節目開始時，193即場要「度身高」回應Mike的提問，場面非常搞笑，他毫不忌諱地公開「自度身高」的過程，引來全場笑聲。
一向寵粉的193與「老婆」互動玩遊戲，搶答問題瞬間炒熱氣氛，而193亦非常識做，即場獻唱《再次Puppy Love》，並深情地說：「好掛住大家，雖然拍攝節目時有Fans到場，但都好耐冇喺一班人面前唱歌。」令全場粉絲為之瘋狂。
活動中，193亦唱出《你的名字我的聖詩》和《呆等》，Fans熱烈和唱，令場內氣氛高漲！他更即場揭曉「呆等大賽」冠軍，將活動推向另一高潮。其後193向下集嘉賓Jacky Fan范卓賢提出問題，問及Error成員當中誰人比較「三尖八角」，他笑說：「我係想考吓佢處理呢啲問題嘅能力，今日活動之後一定有fans通水話呢題問題俾佢知，佢有大把時間準備，睇吓佢會點樣客套、唔會得罪我地呢啲師兄！」盡顯其幽默本色。
193亦分享了自己獨處時的減壓方法，表示喜歡夜晚去打籃球抒發情緒：「我鍾意夜晚去打波，不過試過嘈到附近嘅居民，所以後尾發現到有啲球場比較遠離民居，唔會影響到人，我亦都鍾意慢慢揸車，周圍去兜吓風。」讓粉絲更了解他的日常生活。
適逢MOOV邁入20周年，193回憶成長時的「音樂路」，笑言自「幼稚園」已經開始聽歌：「我係聽錄音帶長大，當時係屋企人俾咗部機我聽，翻錄電台嘅音樂去聽。跟住慢慢就去到CD機，都係家人用舊咗比我，我好記得啲CD郁一郁就會停機，不知不覺原來我都用咗好多方法聽歌。」一番話勾起不少樂迷的集體回憶，亦見證了音樂載體的演變。
