姚焯菲（Chantel）推出今年第一首派台歌《New Fantasy》，已經18歲大個女，所以今次歌曲以「蛻變」作主題。Chantel為應付MV中的連場歌舞，事前不斷上堂備戰，她說：「為今次MV練咗十幾個鐘，同埋我覺得最難係記好每個動作，記得之後，仲要花好多時間琢磨點樣做得最靚、最流暢。」
為呼應「蛻變」主題，MV中的服裝都有一個小彩蛋，就是Chantel身穿7件分別印有以往個人單曲封面的外套，包括《初心小島》、《這個姿態》、《Dreamscape》等等，然後逐一卸下，寓意拋開以前的自己破繭而出。
Chantel喜歡新歌帶出一種自信、堅定的感覺，她說：「歌詞第一句『高踭我踏前一寸』，已經可以令大家可以幻想到個畫面，我唔理側邊嘅目光，著住高踭鞋，我要望前，要好堅定咁向前行。」她又提到「新姿態襲來 巡視十個圈」這一句，她表示：「我認為呢一句個感覺好強，係成年人或者係好清楚自己目標嘅人先會咁做。」
Chantel認為有自信的感覺就是帶給大家的New Fantasy，希望大家認識到她的新形象，旋律與歌詞都好重要，令到歌曲圓滿。她說：「大家可以聽埋我之前嘅作品，去留意下個分別，希望大家聽完呢首歌都會有一個fantasy，會不停喺個腦play緊，好想繼續聽，會有一個每日都play呢首歌嘅衝動啦！」
更多MV圖輯：
