朱栢康、魯文傑、麥沛東、芯駖@COLLAR等主演的舞台劇《你好，打劫！Reunion》12場演出圓滿閉幕，出品人劉德華昨午尾場再度現身，與劇中主角一起謝幕，答謝大家支持，並向台下的觀眾笑說：「我哋呢班人，喺適當嘅時候會對着你哋荷包講：『你好…打劫！』」，暗示隨時再度公演，台下觀眾掌聲附和支持。完場後華仔逐一跟每一位演員和導演擁抱，感謝大家落力演出，場面溫馨。
12場演出瞬間完成，大家嫌未夠喉，華仔有感難得遇上一個好劇本，希望將這個劇目成為經典，一直公演下去！他隨時Stand by還跟一班主演說：「只要book到場就再嚟㗎啦，你哋邊個得閒就嚟埋位！」大家即興奮和應。
首次參演舞台劇的芯駖，感謝一班隊員對她這新手的包容和鼓勵，讓她獲益良多；當大家都以為她完成12場演出後會有一刻感動落淚；因她的角色設定，每一場都要情感大爆發而嚎哭，但她完場後卻整個人鬆弛下來。她心情舒暢的笑說：「因為演出最後一幕嘅時候已經哭乾晒眼淚！開場前反而想喊，因為12場咁快就完咗，好唔捨得；自己第一次參演舞台劇，可以遇上一班咁好嘅班底，非常難得！」
問到連續12晚掌摑芯駖的麥沛東可會覺得心痛？他不好意思的說：「其實係掌摑咗13巴；其中一晚連刮兩巴！唔單止心痛，而且仲好驚；因為有朋友問我會否擔心收到fans𠝹刀？因為掌摑天團偶像！但心駖演嗰場戲感情澎湃，我都要情緒爆發，忍唔住要掌摑佢。我曾經同導演講不如由芯駖掌摑我，因為我塊面大啲安全啲，發生意外機會率會低啲，始終掌摑會有頭暈嘅風險，加上芯駖塊面又骨又瘦，但導演堅持芯駖被掌摑嘅效果同感覺會好啲。」心駖亦感謝麥東打她的力度剛好，兩人互動下，讓她順利完成這幕激情的演出。
好一陣子沒有演出舞台劇的朱栢康也感激遇上這一班好對手，讓他大過戲癮的說：「隔咗咁耐再返舞台，今次遇上呢班志同道合嘅對手，大家唔單止可以一拍即合，令到我有再次享受舞台演出嘅感覺，好正！」
在劇中演出甚有喜感的魯文𠎀，自爆導演朱栢謙發現有網民留言認錯留了長髮的他是劉雅麗，令他哭笑不得的說：「哇！以為我係劉雅麗？我真係入咗腦，演出嘅時候真係有一刻俾『劉雅麗』呢三個字影響到，好彩我撥一撥頭髮，好快清醒過嚟！其實我由冇乜頭髮可以留到依家咁長頭髮，真係覺得好開心㗎！」繼早前重遇張家輝之後，昨日尾場也跟曾經合作過舞台劇的兩位舊拍檔錢嘉樂、湯盈盈敘舊。「湯盈盈係我演舞台劇嘅第一個女主角對手，錢嘉樂曾經同我合演過《王老虎搶親》，難得喺後台見到佢哋份外親切，今次喺後台真係有好多回憶殺！」昨晚到來捧場的還陳家樂、連詩雅、劉天蘭、Day@COLLAR、駱振偉等。
