邵氏兄弟與優酷聯合製作的劇集《執法者們》，去年在內地首播刷下超過4億播放量，其後在無綫播出，以最高收視23.3（150萬觀眾）成為年度兩線劇集收視冠軍。近日，「2026紐約電視電影節」公布得獎名單，《執法者們》獲頒「串流犯罪劇集組別優異獎」（Finalist Diploma – Streaming Crime Drama），揚威海外。
劇集男主角黃宗澤（Bosco）得知獲獎感到特別開心：「始終呢套劇真係拍得好辛苦，大家要咁大量嘅打戲，又要去到咁遠嘅鑽油台拍外景，一大班工作人員一齊去捱過呢個拍攝。」他坦言，拿獎不單自己開心，也替攝影師、導演及所有工作人員高興：「大家都真係搏咗條命去拍，雖然好多打戲好辛苦，嗰陣時梗係要呻辛苦啦，要向樂小姐詐吓嬌㗎嘛。依家有咁好成績，上年收視咁好，依家又攞到獎，真係乜都抵返晒啦。」
Bosco年初成為雙料視帝，如今主演劇集又得獎，他竟然有點擔心：「哎呀！真好大壓力呀，之後都唔知攞唔攞到獎添……哈，都係講笑啦。希望梗係拍多啲更好作品，拍多啲更好戲啦，即係畀更多娛樂觀眾，攞更加多獎更加好啦！」
Bosco一直以拍港劇為主，原來他對港劇有情意結：「我始終係香港長大嘅，梗係拍港劇就最開心啦，因為真係港劇養大我㗎嘛。如果可以同內地劇集或者電影方面有更多合作就更加好啦，因為都想學多啲唔同地方嘅拍攝方法同知識。」
劇集女主角之一的蔡潔，對於得獎感到十分興奮：「真係好榮幸呀，好興奮知道呢個得獎嘅消息，係一份屬於我哋成個團隊嘅榮耀。」她感謝觀眾對「何天茹」與「周俊傑」（Bosco）這段「波菜CP」的喜愛與追看：「佢哋嘅支持令到呢段關係同故事更加圓滿，期待日後可以繼續做多啲好嘅作品送畀觀眾。」
另一位女主角陳瀅，在戲中有大尺度演出，演技令人眼前一亮。她對於劇集得獎感到十分開心，為台前幕後辛苦付出終有回報而感到安慰。
