對有報道指Gigi今次演出拉闊的是為年底的樂壇頒獎禮獲獎鋪路，她表示沒有看過此報道，亦相信大家都知她喜歡不同的音樂舞台，加上今次能與Janice一起合作。Janice則說：「成熟歌手都可以向年輕歌手學習，喺Gigi身上學習到佢嘅信心。」Janice特別指出Gigi上台唱歌都很穩定，這方面她要跟Gigi學習。
提到Gigi新歌《Colors in The Air》中一句歌詞「條文內容評論都只是廢紙」，被外界解讀為暗諷之前與TVB的合約風波，Gigi回應時表示請大家放鬆一點，沒有那麼誇張。她說這歌的Demo歌詞已很能表達到她的感受，自言不擅長表達的她，就用歌唱給大家聽。問到歌詞是否講出她的心底話？Gigi說：「每個人聽一首歌都有唔同感覺，我唱情歌有人聽咗覺得係講家人嘅溫暖。」
問到Gigi唱這歌的感覺？她直認是從內心而發，但強調：「呢句『條文內容評論都只是廢紙』我唔係講你哋，我係想講自己。（想講自己遇過嘅嘢？）都係，由以前到依家我都保留咗一本秘密簿，記低一啲遇到嘅事或者唔開心嘅事。（小器簿？）唔係，係情緒本子。我會成日諗好多嘢，會俾好多框架自己，條文內容全都係自己俾自己嘅。呢首歌嘅歌詞真係好能夠鼓勵到我，等我可以放下嗰啲嘢去闖。」問到會否邀請TVB高層到場睇騷闢謠，Gigi說大家有時間也可以來看。
