豪仔被大家的支持和鼓勵深深感動。
李家鼎自從傷心暴瘦現身前妻施明喪禮，及為大孖李泳漢引發的家庭糾紛激心後，身體情況令人擔心，幸好細孖李泳豪早前受訪透露鼎嘢有返胃口進食及長回點肉，亦有鼎爺回復中氣的語音流出。
隨着鼎爺情況好轉消息，有提議豪仔孖鼎爺齊齊拍片上YouTube，或教大家煮食等。
豪仔昨晚就在YouTube放片，多謝這段日子以來大家的支持和鼓勵，並透露一定會和鼎爺一齊上來拍片，但他笑言鼎爺嫌自己現在仍未夠靚仔，等他狀態再好一點才亮相。豪仔說：「我想同大家講，鼎爺依家已經靚仔咗好多，但佢話未夠，咁就俾佢老人家休息多一陣先，想好啲嘅狀態，等佢出嚟同大家見個面，呢個係我爸爸託我同大家講嘅！」
豪仔向來都有拍關於車和生活瑣碎事的影片放上個人頻道，但純粹分享沒有辦驗證等手續，他稱現在正着手辦手續，並向其他YouTuber學習營運之道。他說一定會同鼎爺拍片，拍他買餸煮餸或講故事的影片都可以，狀態好時更會直播讓鼎爺回答網民問題。
