米雪、林建明、張淑儀
大姐明林建明昨日在社交網分享，與米雪、張淑儀相聚合照，留言：「認識55年，邵氏訓練班同學，三女將，大家健健康康就very的good啦！」然後今日（22日）再上載照片串連的影片，鬼馬問大家：「猜猜邊位最大？邊位最細？年紀啊！哈哈……」
由於張淑儀在娛樂圈發展時間較短，在TVB拍過《唔駛問亞貴》、《光怪陸離》、《七女性》、《一屋．兩伙．三人行》等劇後，於1983年就嫁給鄧永鏘做少奶奶，婚後育有一女一子，但於1992年離婚，退圈後的張淑儀一直較少公開露面。
近幾年大姐明也經常發起跟一眾老同學聚會，她跟米雪和張淑儀三女較多聚會，當時張淑儀已滿頭銀髮，至今仍保養得宜，髮型跟打扮時尚，被網民誤以為是「鬼婆」。就大姐明提出三女將的年齡問題，有網民竟然指「米雪今年75歲最大」！大姐明即回覆：「如果俾米雪睇到你呢段留言呢，佢一定俾你氣死！哈哈……米雪邊有咁大呀？你資料來源係邊度啊？錯晒啦！」
據資料顯示，米雪現年70歲，大姐明71歲，張淑儀未有出生年份記錄，但三人歲數應該相差不遠，正如有網民說：「全都唔係人，都咁後生！」、「係仙女！」
