張佳添在昨晚播出的一集《攻你上大學》，與《中年好聲音》的車婉婉、肥媽、周國豐、海兒、谷婭溦、趙浚承、支嚳儀、周吉佩及黃劍文，齊齊換上校服Look青春登場外，片尾彩蛋「真．學生相開心Share」中，張佳添經典蘑菇頭確實搶鏡，所以添Sir今日凌晨也在社交網貼上該學生相，留言：「為咗《攻你上大學》搵咗呢張六年班嘅相，呢條死靚仔真不知天高地厚」。
由於不少網民質疑是AI照，添Sir於是補充說：「呢張相係真實的，不過只是用AI執清楚了一點，估唔到咁多人嘅焦點喺個蘑菇頭度，個頭應該係我阿媽幫我剪，主要係頭髮太厚，所以搞成咁」，好一句「頭髮太厚」，連周國豐都留言給他：「實在令人妒忌……把頭髮」。
有網民笑指：「琴晚完場，一出呢張學生相即時笑死咗，冇諗過你嘅年代係冬茹頭」，但亦有指他夠前衛是披頭四年代，但又有人認為似八両金，又笑指：「你亞媽係咪搵個湯碗，笠住你個頭剪的髮型」等。
