香港地道Hip Hop組合農夫（Fama），由C君（鄭詩君）與陸永（陸永權）組成，2000年出道至今，由「地下Rapper」發展到成為「全面創作人」，農夫早在2010年6月已舉行了首個紅館個唱《Down to Earth演唱會》。當年他們以「太空人」及「野人」造型從天而降。相隔16年，在出道第26個年頭，他們以「農作物」的造型，於5月重返紅館舞台。
相隔16年的第二次紅館騷，農夫融合音樂及棟篤笑，命名為《農夫全香港最好笑嘅演唱會》，顧名思義，主菜是一場大型「集體開心派對」。農夫笑言：「我哋嘅演唱會唔敢話最好睇、最好聽，但好可能係最好笑，因為人哋啲演唱會係唔講笑嘅！今次目標就係希望觀眾入場，起碼能夠獲得一個開心嘅晚上。」為了令觀眾開心，農夫設計了很多全場「一齊玩」的環節；C君解釋：「只要觀眾開心，歡迎大家入場玩到我謝，由開show玩到鳴謝。」
這次演唱會的海報率先「玩自己」，C君與陸永被埋在泥中，只露出兩顆笑容燦爛的人頭，四周種滿西蘭花、紅蘿蔔、生菜等新鮮蔬菜，陸永笑說：「係種生機，我哋一路種自己嘅作品，終於等咗16年先有第二次紅館騷，算有啲生機，多謝大家咁多年嚟幫手栽種我哋。」
出道26年，農夫由當年揸住支咪在地下場地Rap，到今日依然保持著那份「貼地」的親民感。這個「用泥土種出嚟」的演唱會，既代表了他們對音樂的默默耕耘，風吹雨打也堅強生長的理念，又展現做人要真！唔用AI代替，親力親為！
