佘詩曼（阿佘）今日（2日）出席品牌新春活動，吸引三百多名Fans及途人圍觀！阿佘表示向來喜歡買金飾作投資及收藏之用，被問到新年會如何度過，她說：「會去行花市買蓮花，行一個大運。至於買桃花就睇眼緣，覺得好靚就會買，買桃花唔代表會有桃花運，我希望有人緣運比較多。」
被問到有指身家高達2億，阿佘直言：「我諗無人會披露自己身家出嚟，都係留返俾自己當秘密。」至於今年會否以拍電影為目標，她說：「想同杜琪峯合作，但要等緣份，睇吓有冇好劇本。」提到與梁家輝合作的電影《西伯利亞風雲》八年未上映，阿佘說：「因為有啲投資上問題要處理。（會否擔心變成都市傳說？）唔緊要，隨緣！」另外馬德鐘早前透露開騷想邀請阿佘擔任嘉賓，阿佘笑說：「佢曾經有問過我，但咁啱我唔得閒，如果時間夾啱我就會去做嘉賓。但其實我真係麻麻地，因為我真係會好驚，我唔係唔鍾意人哋搵我去做嘉賓，只係我係對唱歌方面麻麻地，盡量會推。」
更多現場圖輯：
