丁子朗因在社交網上載與吳若希、戴祖儀赴澳洲拍攝綜藝《他們的澳洲駕期》坐商務艙睡覺的片段，因為他用的字眼，被內地網民批評為炫富、輕視經濟艙旅客，掀起猛烈抨擊，甚至被指「失德」，事件迅速登上內地熱搜。
丁子朗在ig和小紅書的片段分別配以中、英字幕：「How to survive a 10 hour flight in economy（如何度過10小時的經濟艙？）」和「Don’t fly economy（不要乘坐經濟艙）」，留言分別是「Sorry not sorry」和「大家學廢了嗎？」
針對這場風波，丁子朗今日凌晨發片道歉。他說︰「因為最近我有條片紅咗，但係『黑紅』嘅紅。條片大約係講我哋3個一齊出發去拍旅遊節目嘅時候，我哋冇坐經濟艙，我哋坐咗商務艙，令到大家覺得我哋有炫富嘅感覺，所以係對唔住嘅！我哋係完全冇呢個心態，但係我哋雖然講者冇心，但令到大家聽者有意、有負面情緒，我哋亦好對唔住。我哋唔想咁樣，亦唔會覺得話『我哋冇心㗎』就冇咗件事。雖然係冇心，但的確令到大家有咁大嘅反應，都係我哋諗得唔夠長遠、諗得唔夠細緻，經一事長一智。因為條片好多人睇，我都諗緊究竟炫富係乜嘢嘅一回事。我覺得，真正嘅有錢人係唔需要炫富。我哋呢條片真係冇任何價值觀嘅輸出，純粹以一個娛樂角度出發。最後想同大家講聲，對唔住，打攪到大家！」
