MIRROR隊長楊樂文（Lokman）、阮小儀、梁仲恆、阮韻珊、王耀祖今日（1日）出席舞台劇《關於那隻龜回魂的故事》記者會。首次參演舞台劇的Lokman將飾演一名「黐飲黐食」的躺平族看更，他笑言角色與自己反差極大：「圍讀時已經覺得係一個挑戰。」為了貼近角色形象，他預告過年期間會刻意「食多啲」，務求增磅演活人物。
在劇中飾演「奀星」的阮小儀則幽默表示「毫無難度」，更分享自己兒時的港姐夢：「細個成日被人讚靚女，真係諗過參選，但12歲之後就冇再長高……我都未見過有港姐唔夠五呎高！」她透露這段自嘲經歷已被編劇寫入劇情。對於經常以身高自嘲，小儀坦然道：「自嘲好過畀人嘲，其實短處都可能變成長處，最緊要唔好自己打低自己。」
剛成為人妻的小儀，將迎來首個派利是的農曆年。她笑言不會使用印有夫姓的利是封：「用姓氏利是封，入面通常都係大銀碼，我而家冇主要入息，要慳啲！」被問是否想保護圈外丈夫的私隱，她甜蜜回應：「佢係一個好先生，我係一個好太太，簡單就好。」她亦透露兩家均不重傳統，團年飯將外出用餐，免卻下廚煩惱。一旁Lokman聞言即笑說：「我可以同小儀交換利是，互相祝福！」
近日有傳MIRROR與商台關係緊張，隨着成員陳卓賢（Ian）日前到商台宣傳，被視為「破冰」信號。Lokman對此輕鬆回應：「冇冰又點破吖！」他更透露團隊正積極準備新團歌，待成員完成手頭工作後將全力宣傳，期望兩個月內正式推出，以音樂回應樂迷期待。
更多現場花絮：
