當頒發「叱咤樂壇至尊歌曲大獎」前，林海峰跟一班DJ拍了一個片段，唱《來都來了》介紹邊位得獎，當然唔需要講咁多，「來都來了」這四個字在年中網上大紅，而「紅姐」扮相亦現身，更表演拉小提琴，林海峰則著了西裝唱歌，歌詞抵死；唱完即介紹湯令山的《用背脊唱情歌》獲得至尊金曲。
今次十大專業歌曲推介中，一早講明唔出席的MIRROR無論團歌定個人都冇一首入圍，而MC張天賦則攞第十位，所以陳柏宇一上台就話：「第十、第九、第八，第七都唔聽到個名，以為今次冇，點知。」
佢首《我所見的未來》拿第六位，甚至由年頭已放話想第一次攞男歌手獎項的心願，今年也達成了，陳柏宇摘下男歌手銀獎，MC張天賦銅獎，金獎則是馮允謙，Jay在台上說感受時，說拿這個金獎，怕台下會有甚麼反應？說畢，台下立即拍掌鼓勵！
至於女歌手獎，Jace 奪銅、陳蕾摘銀，金獎則是Gin Lee連續兩年冧庄，她在台上說：「2月紅館見，睇完我，有Jace看。.」而陳蕾拿獎時帶着淚腔說：「我被開頭的環節（致敬方大同）感動，2025唔易，但教咗我兩個字：珍惜！因為原來有啲嘢話冇就冇，所以大家想睇就買飛睇，在場内大聲嗌！」
至於MIRROR終於在觀眾投票的「我最喜愛」系列中，贏了組合，而姜濤除嬴了男歌手外，還憑《on a sunny day》奪下歌曲獎，女歌手則是鄧麗欣，她笑說：「多謝大家真係推咗我上來，上次我站上這個台時是廿幾年前，那時是拿新人獎，當時攞完覺得同個台距離好遠，估唔到會有機會上返個台，原來唔放棄就有機會，所以大家唔好咁輕易放棄。」
