Gin Lee李幸倪順利完成一連兩場紅館騷，這次挑戰四面台，令她精神繃緊了半年，更因排練和排舞，令腰椎和頸椎受傷，要臨時為演唱會的服裝減重。完騷一刻，Gin就說最想食蛋撻，以及準備她的小假期。
這次演唱會反應不錯，Gin公開向公司爭取開世界巡迴，希望返家鄉馬來西亞開騷，她亦解釋首場唱《月球下的人》的空中鞦韆環節，為何在第二場取消。
今次演唱會共有七套靚衫，打頭陣的一套Deep V戰衣十分性感，Gin笑言沒有特別要求性感，反而身邊同事們就興奮向設計師說：「佢可以sexy㗎！」她坦言第一次見到套衫個V，低到肚臍都嚇一嚇，她說：「其實大家知唔知，我游水都唔會咁樣著？」
Gin透露，因為要排練和排舞，半年前已經開始健身，希望提前把身體進入狀態，但頸椎問題一直要做很多復健和治療，但排舞期間卻拗柴，影響了腰椎和頸椎，加上今次演唱會的服裝很重，令她感到很矛盾，「一邊要吃清淡、一邊要應付一件重40磅，有3層厚的歌衫，所以每日都要去調節，找到最合適自己的運動量。」Gin由上年開始食素，這次因有很多訓練及跳舞，排練後都會跟營養師研究。
每日排舞之後，Gin回家後仍要做很多拉筋運動，她說：「觀眾睇好多好sexy嘅動作，其實每一日返到屋企，我都要放鬆拉筋，甚至要即刻去針灸。」Gin的右手更出現「媽媽手」症狀，「突然間有一日冚唔到被，隻手發唔到力，原來係傳說中嘅『媽媽手』，但我唔係因為湊BB，於是問治療師點解會有媽媽手？應該因為我跳舞時，左手揸咪、右手做動作，全部動作喺右手，平時唔會用隻手嘅肌肉咁盡所致，今次連敷高麗菜消炎的偏方都試埋。」
兩場紅館騷終於圓滿落幕，Gin鬆一口氣同時，又十分亢奮，公開向公司爭取開世界巡迴，尤其想回家鄉馬來西亞，她說：「好多馬來西亞fans問我，會唔會返去開show？我好想走晒全世界！呢個show籌備咗大半年時間，係好多單位好多人嘅心血，亦都係我儲咗八年，好多唔同經歷嘅一個show，我希望可以繼續去分享。」
今次首度挑戰四面台，Gin表示要兼顧很多地方，「我本身方向感都麻麻地，四面台最大挑戰就係，有啲舞係同dancer一齊跳，但一轉完圈就失去方向感，佢哋要guide住我，上到台只好同自己講要冷靜啲。」
談到首場唱《月球下的人》的空中鞦韆環節，為何第二場取消了？Gin就解釋礙於紅館規例和負重問題，鞦韆不能360度轉，不過首場後，她還是希望能照顧到四面觀眾，所以寧願走近觀眾，改為在舞台繞場行一圈。
