踏入40歲的「細細粒」陳嘉佳，去年終於穿上泳衣為本刊拍攝封面，引起外界關注。她從高峰期300磅搣走120磅，細細粒成了減肥神話，不過，她在過年前整理衣櫃，竟然之前買下的靚衫，已經穿不上，細細粒宣告體重反彈︰「我肥返喇！」
日前細細粒整理衣櫃，發現買下的靚衫全部著唔落！
本刊邀請細細粒拍一些賀年照片，她在電話中已經「牙痛咁聲」，她說︰「我肥返好多呀！」原來因為去年直播的工作，大部分都是食物，接拍之前，細細粒要先親身試食，如決定接拍的話，一日幾場就要不停食，「每次都話聽日再減啦，結果又食返大個胃，哈哈！」
去年細細粒終於一嘗所願穿上泳衣拍攝《明周》封面
細細粒續說︰「啱啱執衣櫃，想搵幾件衫過年，點知之前買嗰啲，全部都著唔落！不過，其實自己著泳衣嘅心願，《明周》都幫我實現咗，我依家覺得隨心所欲啦，當休息又好，想食就食，過埋年先再諗！反而今年想做一啲，以前冇時間可以深入了解嘅，第一，想開一個流浪動物基地，可以收容200至300隻流浪貓狗嘅收容中心；第二，對於直播想諗下有冇一啲創新2.0方式，已經準備去學習AI；第三，繼續做產品研發，當然仲有唔容易反彈減肥方式啦！」
因為直播關係，細細粒正式宣告體重反彈！
最後細細粒把衣櫃的靚衫重新掛起，放在衣帽間當眼位置，她說︰「每日見到都要提醒自己唔好食得咁過份！唔好講呢啲住，喺呢度祝所有《明周》讀者馬到功成、新年快樂、恭喜發財！」
新一年，細細粒希望暫時隨心所欲，想食就食。
重溫細細粒泳裝靚相︰
