不過定欣同老公未有忘本，婚後返港陸續相約好姊妹胡杏兒、胡蓓蔚與老公單立文，還有陳山聰夫婦及袁偉豪夫婦聚會，今次終於輪到Bob與Tony兩對夫婦。
Bob與Tony昨晚率先在社交網曬照，Bob留言：「幾年前，我記得我同你講過：『阿定，我會努力幫你搵一個好嘅另一半！』我仲好firm咁話，我講得出，一定會做到。恭喜陳醫生，恭喜陳醫生夫人，多謝你哋餐飯，多謝你哋嘅驚喜禮物。好高興嘅一個晚上，傾到癲咗，食到癲咗，期待咗呢個飯局好耐，終於搞得成。祝你哋幸福快樂，開開心心，甜蜜美滿」！Bob嫂就爆老公：「你就最開心啦，開心過自己結婚」，定欣都有回應：「無人比你更緊張我嘅姻緣」！
Tony就話：「Mission completed!!❤️❤️❤️介紹完，而家婚都結埋，食埋慶祝飯啊，下一步做啲咩？打網球啦 mixed double 👌 ，而老婆就要滑雪😌😌 識做啦」！
定欣今午（6日）亦在社交網曬照，留言：「識咗你哋咁耐，點會諗到～～～條紅線一直收埋喺你哋手！人與人之間嘅緣份就係咁奇妙，這麼近那麼遠，走一大個圈先遇上。開心傾到笑到傻咗，大家都要開心身體健康，繼續打邊爐打網球同滑雪啦！」
