當嫲嫲幫她紮辮，阿Sa就想起兒時回憶。
蔡卓妍（阿Sa）於昨日開學日有感而發，晚上在社交平台上載嫲嫲幫她紮辮的片段，留言：「讀小學嘅時候每一日都係嫲嫲叫我起身，幫我扎（紮）辮，然後送我去搭褓姆（保母）車返學。冇返學幾廿年，嫲嫲亦都95歲喇，再幫我扎（紮）辮，佢寶刀未老，條辮一樣咁靚。其實佢一路扎（紮），我一路忍住唔俾啲眼淚湧出嚟。#有開心嘅眼淚 #感動嘅眼淚 #懷念嘅眼淚。」
嫲嫲條辮紮得好靚，果然寶刀未老。
阿Sa續謂：「真係 #無法可修飾的一對手，細個嘅時候覺得好多嘢係理想當然，大個咗先知道珍惜，哇！#而家淨係打呢堆字啲眼淚都想湧出嚟，下刪300字…多謝嫲嫲令我可以做一個幸福嘅孩子」。
阿Sa早前同嫲嫲等人去家庭旅行。
容祖兒、王敏奕等與一眾網民都被阿Sa的發文感動，亦有搞笑指：「以為你結婚」、「我以為上頭」、「又著紅色衫，一班人圍住，我都以為上頭。」
阿Sa向來孝順。