香港出版社藍出版於二○一七年推出全球首個完整廣東話版《小王子》，譯者蔡偉泉花了六年時間完成翻譯。其翻釋保留原著詩意之餘，使用香港人日常口語，希望讓香港人以母語重新感受這部經典。
「所有嘅大人最初都係細路仔，只不過佢哋好少人仲記得呢樣嘢啫。」— 作者獻詞
「如果你同個大人講讓：『我見到間好別緻嘅粉紅色磚屋，窗台前面種咗好多洋葵花，屋簷上面仲有一竇竇白鴿𠻹』，佢哋完全唔會能夠想像到嗰間屋係咩樣。你一定要話：『我見到一間值成千萬嘅屋呀。』瞰佢哋就會恍然大悟瞰驚嘆一聲：『嘩，瞰一定好靚喇！』」— 飛行員
「嗰陣時我咩都唔明！我應該從佢嘅行為而唔係說話去了解佢。佢將佢嘅芳香散發喺我四周，令我嘅人生都變得更光明。我真係唔應該離開！我應該要明白佢啲小把戲背後嘅愛意。花真係好矛盾㗎！而我嗰時實在太後生，唔識得點去愛佢。」— 小王子
「審判自己比審判其他人難好多。如果你可以公正瞰審判到自己，你就係一個真正嘅智者。」— 國王
「對我嚟講，你仲只係一個細路仔，就好似其他千千萬萬嘅細路仔一樣。我並唔需要你；而調返轉頭，你亦都唔需要我。對你嚟講，我只係同其他千千萬萬隻狐狸一樣嘅一隻狐狸。但係如果你馴服我，瞰我哋就會彼此需要對方。對我嚟講，你將會係世上獨一無二。對你嚟講，我將會係世上獨一無二。」— 狐狸
「人類已經唔再有時間去理解任何嘢，佢哋所有嘢都係去鋪頭度現成買返嚟。但係世上冇鋪頭可以買到朋友，所以佢哋唔再擁有朋友。如果你想有一個朋友，馴服我吖。」—— 狐狸
「舉個例，如果你每日都係下晝四點嚟嘅話，瞰去到三點鐘我就會開始覺得開心。時間愈近，我會愈開心。到咗四點，我就會既焦慮又擔心，我會發現開心係有佢嘅代價㗎！但係如果你鐘意幾時嚟就幾時嚟，我永遠都唔會知道應該咩時候去準備好我嘅心情……呢個儀式一定要有。」— 狐狸
「當然啦，一個普通嘅路人可能會覺得我嘅玫瑰花個樣好似你哋。但係對我嚟講，佢比你哋全部加埋更加重要。因為我去淋水嘅，就係佢……因為佢先至係我嘅玫瑰。」— 小王子
「我話你知我個秘密啦。其實好簡單：只有用心先至可以睇得清楚。最重要嘅嘢都係無形於雙眼。」— 狐狸
文字來源：《小王子》廣東話版；作者：安東尼・聖修伯里；譯者：蔡偉泉；出版：藍出版；出版年份：二〇一七年
