【港手教練】手球港隊教練的話：「全國冠軍！」 勉勵球員勇敢去想 這個熱血教練亦成就了這班球員 「勝利歸於球員，但失敗歸因我」

港隊主教練許文邦

「全國冠軍！」練習結束前，所有球員圍成一圈、手疊手高喊口號。主教練許文邦解說：「我想球員勇敢去想，如果你連想都不敢想、講都不敢講，我覺得你不會有好成績。如果他多點說出口，到時對着一些真的很強的球隊，他都會有吉士去挑戰他們。」

近一年，每日練波後一起高喊：「全國冠軍！」

這個教練亦成就了這班球員

「我不喜歡做訪問的。」許文邦開宗明義說，「我們以前香港隊時就是不斷賣慘，是有受眾，但我不想。因為我們都是好正面和陽光的，我們都是想打波啫。」原以為訪問時會有所顧忌，但意料不到最毫無保留的受訪者是他，「（今次全運）好大壓力的，坊間所有訪問，我們都好明確講出我哋目標。但如果真係去唔到咁點呢？去到又點呢？我都會不斷諗呢啲，但又唔想分心。假設結果不理想，可能都只是第六七，我咪離開這個崗位囉，反正其他人做都係呢個成績。我昨晚上勞工處搵工添呀，係呀真係，但發覺原來現在搵工都幾難喎，真係痴線。我估除咗做司機，我揸車啦，但其他我無專業知識，都無乜工係搞得掂。搞唔掂。」他苦笑。

由二○一七全運退役，原以上屆全運為目標，但因疫情擱置，終於走到今天一戰。轉眼八年。「其實你說今次全運成績是怎樣都好，因為我們已盡了最大努力去準備，所以我覺得是無遺憾的。我經常和他們說，贏波是他們的榮耀、勝利歸於球員，不關教練事，但輸波就是我的問題。」

最後有咩想講？「香港人，到場支持啊！」

波係圓嘅！賽果無人知。