一連15場Singleton Music Fest邀請了Mr. 主音布志綸（Alan）打響頭炮，聯同台灣歌手練懿樂向樂迷慶唱。
Alan表示對今次Singleton 音樂節感興𡚒，希望透過音樂與Fans連接：「樂迷飲少少Whisky，微醉high high地之下邊飲邊聽歌。而我係第一場嘅嘉賓，心情都有少少緊張，希望大家都可以享受非一般嘅音樂體驗。」
另外，他自爆閒時也有淺嚐習慣，「因為做呢行有時都有壓力、情緒繃緊，所以真係會飲兩杯放鬆一下自己，其實我都唔淨係有壓力先飲，有時為音樂靈感都會呷兩啖！好似《如果我們的語言是威士忌》，都係同朋友飲兩杯之後一齊作曲。」
Alan笑指以為自己「飲得」，認為飲烈酒冇難度：「以前我以為自己千杯不醉，成日都飲烈酒架，點知有次飲醉就出事喇，朋友抬我返到屋企，入到門口架喇，我同佢講bye-bye嗰陣，嘔到人地一身都係！搞到嗰個以為佢先係醉酒佬，冇的士肯車佢，真係幾狼狽！依家大嗰仔，太烈酒反而少飲，學識享受飲威士忌，同朋友飲吓酒、傾吓計已經覺得好爽！」