張敬軒近日出席「巴黎時裝週」，順道與在當地的好友黃偉文（Wyman）見面及慶功，答謝對方督促鞭策他作曲，才促成《隱形遊樂場》和《青春告別式》的誕生。軒仔寫道：「多謝Y , 舊年先至有呢一首至尊歌，其實嗰晚喺叱咤講漏咗，從《隱形遊樂場》到《青春告別式》都多得Y嘅語重心長同支持，如果唔係佢一路督促我，應該去到今年都未交歌。喺公司各位同事都唔知/唔敢催好唔催好、追好唔追好嘅時候，佢會咁樣提醒我、鞭策我呢個懶人…一個會咁樣提醒你、緊張你嘅人，呢啲就係十幾年來嘅感情。呢首歌，呢個獎，呢個moment，最開心喺同你一齊分享。」
Wyman也在IG貼相並寫道：「本來佢話特登送嚟倫敦，我話駛（使）乜唧，我都喺巴黎…於是，點都估唔到，最近兩次有人頒獎比（俾）我，都喺巴黎！咩叫誠意？呢啲囉！多謝張生真人示範。」
相片來源：張敬軒@Instagram、黃偉文@Instagram