吳家忻（kayan9896）將於3月15日在酒店的天台泳池舉行爵士音樂會，她表示靈感是源於一個朋友的提示，「佢就喺酒店到做嘅，咁佢話酒店喺冬天嘅時候，泳池就會抽乾水池水唔會對外開放。咁依間酒店嘅品牌本身都係支持音樂、藝術、文化嘅，所以佢覺得既然有一個空嘅地方，咁不如搵一啲嘢搞唔好嘥咗佢，例如音樂show。咁所以我就有咗呢個idea啦。同埋我覺得呢個idea都幾有趣，我暫時都仲未見過有人喺泳池入邊搞一個show，再加上我自己都仲未搞過一個個人show，我就想可以cozy一啲，同我嘅聽眾嚟一個小型嘅音樂會，同佢哋connect下。」
kayan正苦思音樂會該以什麼形式呈現給觀眾時，碰巧參與一個品牌活動，正好乘機借鑑，「呢一個Event有個jazz music session，我好鍾意當晚嘅氣氛同埋音樂，好groovy好開心。再加上我自己都中意聽jazz music，咁我就諗不如搞一個jazz music嘅音樂會，將我自己嘅歌改編做比較Jazzy嘅vibe，再加一啲我自己鍾意聽嘅jazz music cover songs。我好快就搵咗當日jazz session有份玩音樂嘅人，好好彩佢哋都好鍾意我呢個idea，佢哋都好想玩呢一件事，所以呢件事就係咁樣發生咗啦。」
第一次舉行音樂會，kayan份外重視，所以造型上比較隆重，「係會比較formal / black tie。同poolside有一個幾強烈嘅對比（poolside通常衣着好casual），我覺得成件事情願出嚟嘅感覺應該會幾有趣、幾新奇。」
