唱作女團Beanies成員之一的Kay李凱翹，日前推出首支個人單飛新歌《分手的決心》。作為一位獨立歌手，Kay為了出新歌傾囊而出，將近半年因為Beanies所賺到的錢都押上，她說：「除咗Beanies賺到嘅錢，連呢半年返菲林店做part time、教瑜伽賺到嘅所有錢都擺咗喺做歌上，好耐無試過咁熱血，希望我嘅作品大家會喜歡同有共鳴。」
未入行當歌手前，Kay是一名空姐，做了8年後選擇裸辭，成為獨立歌手，去年與Jaime、Geor、Winky及Chiutung組成唱作女團Beanies。眼見其他成員陸續單飛出solo歌，Kay亦趕上步伐，推出個人單曲《分手的決心》。對於裸辭一事，Kay說：「原來全心全意做自己喜歡嘅嘢，真係好值得！由裸辭到依家，都係用緊自己積蓄，最希望可以有多啲班教，有多啲機會接主持工作，同埋要再慳啲！」Kay笑言自從裸辭後，成為了一位精明消費者，最喜歡留意各樣優惠。
《分手的決心》由Kay與Patrick Yip合作寫曲部分，填詞找來小克，編曲及監製由Patrick Yip負責。日前，Kay為新歌拍攝MV，請來中學師弟KF做導演及曾參與ViuTV真人騷《戀愛Staycation》的林嘉宏當男主角，由於拍攝場景很多，所以分了兩日拍攝。
喜歡攝影的Kay，最難忘除了可以在黑房親手沖曬黑白菲林，還有拍爆喊的過程，她說：「室內拍嗰日，一roll機就要我爆喊，本身好擔心，但好多謝我嘅acting coach（演戲導師）Donovan，佢好了解我，知道要點去引導我，喺我隔離一路講嘢，已經可以令我好快投入到情緒爆喊出來！」另外，Kay表示第一日拍完外景，收工的時候租用的車卻忽然爆軚，「最後全部人喺維修區嘅空地等咗個半鐘，但係嗰個半鐘大家傾偈傾得好開心。」Kay表示以前做空姐，旅行佔了她的人生很大部分時間，所以MV其中的一個景點，是在機場維修區拍攝，令她重拾不少回憶，既開心又感觸。
Kay透露今次的MV，是想用第一身視覺去紀錄，所以用了DV機拍攝，至於MV及歌曲故事，她則說：「講一對情侶一齊及同居多年後，感情由濃轉淡，說好嘅冰島之旅已經去唔到，喺沖曬菲林及執拾家中物件時回憶起以往種種，最後雖然好唔捨得，但都係決定放手離去！」
