周奕瑋升呢做業主 向方健儀取經搵被動收入

「日本通」周奕瑋（Jarvis）經常主持《周遊》系列，介紹日本平靚正的食玩買，曾在東京居住的他，想過在東京買樓，不過遲遲未進行。今日（26日），他在IG公布自己有個重大決定，「各位，我做業主喇！」他留言說：「呢排一直係咁思考好多，終於喺啱啱，我吸咗啖氣、再的起心肝、然後簽咗個名，係簽買賣合約嘅名！」

Jarvis話自己呢個舉動，連自己也嚇了一跳，「不過有時就係咁，天時地利人和要來就來。再加上……今時啲Yen真係好平，而家買真係抵好多。所以應該叫『金時地利人和』、或者『打鐵趁熱』。」
人生有這個大決定，他說自了方健儀取經，問了好多心得，「其實本來諗住去日本就租佢間民宿，冇諗過自己買，不過行過這個大阪小區，看了日落，河畔滿開了櫻花，又有好chill嘅餐廳，好適合我呢類ISFJ，作為I 人，唔使做嘢嗰陣，其實我真係好需要收埋自己，搵空間獨處。最後選擇呢區嗰陣，我想像到，喺呢個小社區舒舒服服散吓步，靜靜地坐喺河邊聽歌、發呆嘅自己、係啱我嘅。」佢話今次攞晒自己咁多積蓄出來買樓，除了將來可以自己住，又可以做民宿，為自己搵些被動收入。

周奕瑋在2018年主持旅遊節目《周遊東京》中，憑流利日文及貼地平食平玩推介深得觀眾喜愛，之後的《周遊》系列亦大受歡迎，今年初更勇奪《萬千星輝頒獎典禮2023》最佳男主持，事業穩步上陽。