MIRROR成員盧瀚霆（Anson Lo）昨晚（24日）在亞博舉行一連4場首個個人演唱會。他大曬肌肉，落力唱跳足足兩粒鐘，期間近兩度落淚，答謝神徒（粉絲暱稱）這4年半的支持。
Anson Lo自封「情深Lo」，表示入行4年半長大及改變了很多。他說：「我跟剛出道時很不同，不過是好事。我覺得自己長大了，經歷了很多，犯過不少錯，也後悔過很多，而且還有很多流言蜚語及不同的新聞，但全部都是假的！這些里程令我學到很多，才有現在的我。很官腔似的，但可能是我一個自我保護機制，是一個講話形式。」
他又哽咽表示：「肌要騷俾大家睇，喊都要俾你哋睇。我知道大家為咗今次入場，要用唔同電腦、排隊，甚至食唔應該食嘅黃牛，又俾唔好嘅人Hold晒啲飛。為咗你哋我喊得最多，因為唔知可以做啲乜去保護你哋，見到你哋俾人蝦我好嬲！」隨後他唱出《不可愛教主》再次激動爆喊，幾乎唱不到一句，交由粉絲大合唱完成，好溫馨！
