區永權與洪永城當年同在有線出身，交情深厚。
洪永城去年十二月做了爸爸，洪太梁諾妍（Inez）誕下女兒「洪寶寶」Amber，但因疫情嚴峻，初生嬰兒未能與uncle auntie見面，近日疫情總算放緩，區永權終於可以和洪寶寶見面，而且還可以抱抱；這位uncle 雖然有兩個兒子，但已十一歲和十歲，區永權久久未抱過BB，大家都很懷疑佢仲識唔識抱，結果佢成功過關，洪寶寶不但冇喊，還眼仔碌碌咁望住佢，似乎對uncle很有親切感喎，點解呢？
大家一向只知道「洪寶寶」的英文名是Amber，中文名你又知道嗎?
區永權在社交平台提供了答案，他寫道：「嘩！果然寶刀未老，仲識得抱BB，仲要抱住靖嵐，當然有親切感啦！下次放假，等我家靖嵐，同洪家靖嵐，來過『靖嵐對對碰』！」洪永城和區永權果然是好朋友，替仔女改名竟然都有相同諗法！
