疫情第五波來勢洶洶，有小朋友嘅星媽都出盡法寶留家抗疫，好似謝安琪和囡囡Kaka Ball 一起整蛋糕、Coffee同囝囝做瑜珈；關心妍就同女兒心心潮玩Bottle Flip Challenge。Jade話：「成日留喺屋企一定要搵啲新玩意消磨時間，其實開頭係心心教我玩，先喺地下練習，做到之後就可以挑戰高難度喺梳化邊玩。」
「乜乜Challenge」久不久就會出現，早前亦出現升級版Bottle Cap Challenge ，成為全球明星潮玩項目，Bottle Cap Challenge 又係咩玩法？就是以最有型的方式，起飛腳踢走樽蓋，但不能踢下水樽或令樽蓋繼續留在樽上。「宇宙最強」甄子丹仲將難度升級，蒙着雙眼起飛腳踢樽蓋，有姿勢有實際㗎！