關心妍Jade每年都會為《明周》拍攝賀年相，女兒心心轉眼便7歲，上年母女檔下廚和剪紙藝，今年問心心今年想做什麼？心心話想寫揮春佈置屋企，平日喜歡做勞作的心心，一學就識，好快搞掂。
Jade說︰「每年新年都同心心佈置屋企，今年早少少寫揮春、整全盒，雖然心心都7歲喇，但都仲係好雀躍，會同我做勞作，所以我都好珍惜呢啲親子時間。」
去年新年後，Jade一家去日本旅行，今年就為巡迴演唱會關閉，「唔會周圍去了，因為三月開始便有演唱，先舉行佛山站，跟住就到澳門站，心心好大可能係其中一個表演嘉賓，所以大家都會養好個身體，同埋練好歌，希望每一站都可以同歌迷見面。」為了獎勵心心，Jade打算在新春期間帶她到嘉年華放鬆一下，「因為剛剛考完試，我自己都陪佢一齊考試，出來的成績都唔錯，好感恩，同佢去嘉年華玩下放鬆下，個女由細到大都好易滿足，總之身體健康、笑口常開就得，我都祝《明周》讀者出入平安、喜樂平安。」
